傅子明歌曲做人難

做人難，做人實在難，做人難，講難也勿難

做人難，做人實在難，做人難，勿難也蠻難。

做人，做人，做人，做人，做人實在難

做人，做人，做人，做人，講難也勿難

做人，做人，做人，做人，做人實在難

做人，做人，做人，做人，勿難也蠻難。

我原來廠裡做個工人混混日腳

太太平平開開心心每天上上班。

生活浪向比較輕輕鬆鬆肩胛也勿擔

自由自在朋友談談老酒擺擺。

啥人曉得好景勿長姑娘已經變心

一日到夜囉裡囉嗦嫌我勿來三。

伊講我袋袋裡鈔票勿多

養勿起伊跑出去肯定要坍臺。

做人難，做人實在難

做人，做人，做人，做人，講難也勿難

做人，做人，做人，做人，勿難也蠻難，勿難也蠻難。

小姐妹脫伊介紹軋了個外國朋友

勿二勿三勿倫勿類意思儕勿對。

啥人曉得伊還講，管伊長，管伊矮

只要伊袋袋裡肯摸出闆闆。

我只能勸伊感情專一點

伊話落面孔一板脫我晏歇會。

到底啥人勿對，到底啥人坍臺

到底啥人坍臺。

做人難，做人實在難，做人難，講難也勿難

做人難，做人實在難，做人難，勿難也蠻難。

做人難，做人實在難，做人，做人，做人，做人，講難也勿難

做人難，做人實在難，做人，做人，做人，做人，勿難也蠻難，勿難也蠻難。

到了上班辰光總是沒有精神

摜頭摜腦總是無精打采。

工作起來勿認真真是心事重重

糊里糊塗遲到又早退。

領導尋我談話我影響人家再搿能樣子下去叫我早點辭退。

垂頭喪氣回到屋裡坐勿停立勿定

吃勿落睏勿著心事叫叫關。

想來想去想東想西想前想後想左想右

今後日腳到底哪能辦。

難道我就迭能樣子介沒出息永遠沒有將來

勿對，好運勿等天浪落下來

只好自己振作起來重新做起勇於闖難關。

對，絕勿能心灰意懶拿落脫個拾轉來

拿落脫個拾轉來。

做人難，做人實在難，做人難，講難也勿難

做人難，做人實在難，做人難，勿難也蠻難。

做人，做人，做人，做人，做人實在難

做人，做人，做人，做人，講難也勿難

做人，做人，做人，做人，做人實在難

做人，做人，做人，做人，勿難也蠻難。

做人要靠自己做，天無絕人路

天外天，樓外樓，只要儂勿偷懶。

任何事情辣儂手裡一定要認真對待

時來運轉推勿開財源滾滾來。

改革開放好機會我要自己做老闆。

做人難，做人實在難。